Қызылорда полицейлері екі күннің ішінде мыңға жуық контрафактілік дискілерді тәркіледі
ҚЫЗЫЛОРДА. 6 маусым. ҚазАқпарат - Қызылорда полицейлері екі күннің ішінде мыңға жуық контрафактілік дискілерді тәркіледі. Бұл туралы облыстық ішкі істер департаментінің баспасөз қызметі хабарлады.
«Қызылорда ОІІД қызметкерлері «Контрафакт» профилактикалық іс-шарасын жүргізу барысында облыс көлеміндегі сауда орындары мен дүкендерді тексеру барысында сапасы лицензиялық өнімге сәйкес келмейтін контрафактілік дискілерді сатудың 10 фактісін анықтады», - делінген хабарламада.
Екі тәулік ішінде жүргізілген шара барысында мыңға жуық дискілер тәркіленіп, аталған оқиғалар бойынша тексеру амалдары жүргізілуде.
