Қызылордада «Еліміздің қуаты - бірлікте» атты форум өтті

ҚЫЗЫЛОРДА. 12 қаңтар. ҚазАқпарат /Жаңагүл Сердалы/ - Қызылордадағы Ә.Тәжібаев атындағы облыстық ғылыми әмбе­бап кітапханада «Еліміздің қуаты - бірлікте» тақырыбы бойынша азаматтық форум болып өтті.

«Қызылорда облысы Азамат­тық Альянсы» қауымдастығының ұйымдастырған бұл шараға үкіметтік емес ұйымдардың басшылары мен еріктілер қатысты.

Тұрғындардың азаматтық белсенділігін арттыру, олардың үстіміздегі жылғы 15 қаңта­рда өтетін ҚР Парламенті Мәжілісі және барлық деңгейдегі мәслихаттар депутаттарын сайлау науқанына белсене қатысуы - аса маңызды мәселе. Форумды ашқан «Қызылорда облысы Азаматтық альянсы» қауымдас­ты­ғының төрайымы Дариға Ақмағамбетова осыған баса назар аударды. Жиын барысында «Тәуелсіз мемле­ке­тіміздің басты құндылығы - демократия» тақыры­бында «Ақбосаға» қоғамдық бірлестігінің төрайымы Меруерт Аңсатованың, «Азаматтық қоғам азаматтық белсенділік көрсетуі тиіс» тақырыбында Дариға Ақмағам­бетованың хабарлама­лары тыңдалды. Сондай-ақ, қатысушылар арасынан «Тұрмысы төмен аза­маттарды қолдау жөніндегі Қызылорда аймақтық қорының» директоры Сапура Абдрахимова, «Ұлт тағдыры» қоғамдық бірлестігінің төрағасы Жақсыбек Егізбаев сайлаушылардың  сайлауға белсенді қатысу, олардың саяси науқанның әділ өтуіне әсері туралы ой-пікірлерін ортаға салды.

Соңында форумға қатысушы­лар үндеу қабылдады.