Қызылордада шағын футболдан ішкі істер органдары әскерлерінің құрылғанына 20 жыл толуына арналған турнир өтті

ҚЫЗЫЛОРДА. 10 қаңтар. ҚазАқпарат /Жаңагүл Сердалы/ - Қызылордада шағын футболдан Қазақстан Республикасы Ішкі істер министрлігінің әскерлері құрылғанына 20 жыл толуына арналған турнир болып өтті.

Турнирге облыстық қорғаныс істері департаментінің, ішкі істер департаментінің, Ішкі істер министрлігі қылмысты-атқару жүйесі департаментінің, қалалық ішкі істер басқармасының, көші-қон полициясының, сондай-ақ өауіпсіздік комитеті шекара бөлімі мен ішкі істер әскерлерінің Қызылордада орналасқан әскери бөлімінің командалары қатысты.

Турнирде шекарашылар бірінші орынды жеңіп алды. Екінші орынды облыстық ішкі істер департаментінің полицейлері еншілесе, үшінші сатыға ішкі істер әскерлері командасы орналасты. Жүлдегерлер бағалы сыйлықтармен марапатталды.