Қызылордада жаңа перзентхананың құрылысы басталды
ҚЫЗЫЛОРДА. 4 қаңтар. ҚазАқпарат - Қызылордада жаңа перзентхана үйінің құрылысы басталды. Ол «Қазатомөнеркәсіп» ҰК АҚ-тың қаржылай қолдауы арқасында мүмкін болды.
Бұл 150 орынға есептелген қазіргі заманғы құрылғылармен жабдықталған перзентхана болады. Соңғы бес жылда Қызылорда облысында дүниеге келген сәбилер саны шамамен 24%-ға ұлғайды. Осы кезеңде ана өлімі 70%-ға, ал бала өлімі 23%-ға төмендеді. 2013 жылы «100 мектеп, 100 аурухана» мемлекеттік бағдарламасы аясында салына бастаған 200 орынға есептелген облыстық перинаталдық орталықтың құрылысын аяқтау жоспарланып отыр.
