Қызылордалық жасөспірім ауыр атлеттер ел чемпионатында командалық бірінші орынды жеңіп алды

ҚЫЗЫЛОРДА. ҚазАқпарат - Қостанай қаласында ауыр атлетикадан 2000-2001, 2002 және жасы одан да кіші жасөспірімдер және қыздар арасында өткен Қазақстан Республикасының жеке-командалық чемпионатында Қызылорда облысының құрамасы бірінші орынды жеңіп алды. Бұл туралы облыстық дене шынықтыру және спорт басқармасының баспасөз қызметі хабарлады.

Жеке есеп бойынша чемпион атанғандар: Бабыр Қожантай  (30 келі), Ермахан Орынбек (46 келі), Ерасыл Ергенбай (56 келі), Бексұлтан Айтбай (69 келі), Дмитрий Мартынов (+69  келі), Арайлым Қайсар (53 келі).

Күміс жүлдені иеленгендер: Мади Пернебекұлы (46 келі), Алмат Асанханұлы (50 келі), Азамат Төлеген (56 келі), Зарина Заркумова (58 келі), Есенгелді Сәпи (62 келі), Асылжан Бектай (69 келі).

Қола жүлдені иеленгендер: Ерасыл Сәулебеков (30 келі), Кристина Буторина (48 келі), Әл-Фараби Әмірбек (50 келі), Нұрай Құрманбай (+53 келі), Досбол Садық (56 келі), Бексұлтан Жақсылық (62 келі), Бахытбек Мұхан (62 келі), Шахизат Абдраманов (69 келі).

Спортшылар 24-28 тамызда Атырау қ. 17 жасқа дейін өтетін ҚР чемпионтына дайындалуда.