Литва президенті Елбасын алдағы жылы өз еліне сапармен келуге шақырды

Бұл жайында бүгін Ақордада Литва президенті Даля Грибаускайте мәлім етті.

"Екі елдің мемлекет басшылары мен олардың арасындағы қарым-қатынас өте маңызды. Менің ойымша, осы негізде біз бұдан да жоғары нәтижелерге қол жеткіземіз.

Барлық келісімдер мен жоспарланып отырған барша байланыстар аясында мен Қазақстан Президентін алдағы жылы Литваға келуге шақырдым",- деді ол.

Даля Грибаускайтенің сөзіне қарағанда, 2012 жылы екі елдің дипломатиялық қарым-қатынастарының 20 жылдығы мерекеленеді.

«Бұл - өте атаулы дата. Сондай-ақ оңтайлы нәтижелер бар», - деп атап өтті Литва басшысы.

Ол сондай-ақ екі елдің ортақ жобаларын қолдайтындығын, бұл жобалардың бар екендігін және оларды дамытуға әлеуеттері жететіндігін мәлім етті.