Лондон-2012: М.Аитова аяғының сіңірі тартылуы салдарынан жарыс жолына шыға алмады
АСТАНА. 9 тамыз. ҚазАқпарат - Олимпиадада биіктікке секіру сайысы жалғасып жатыр. Біздің спортшымыз Марина Аитова жарысты тастап шықты, деп хабарлады Хабар агенттігі.
Телеарнаның хабарлауынша, жеңіл атлетикадан Қазақстан құрамасының бас бапкері Вячеслав Сокирко Лондоннан телефон арқылы тілдесіп: «Марина жарысты тастап шықты. Мен Дмитрий Карповтың көрсетілімдерін бақылап жүргендіктен онымен тікелей сөйлесе алмадым. Маған жеткен хабар бойынша Маринаның аяғының сіңірі тартылып, ауыртып алыпты», - деді.
