М. Бәйімбетов жергілікті төтенше жағдайлар басқармасының бастығы болып тағайындалды - Қызылорда облысы
ҚЫЗЫЛОРДА. 8 қазан. ҚазАқпарат - Қызылорда облысында жұмылдыру дайындығы, азаматтық қорғаныс және авариялар мен табиғи апаттардың алдын алуды және жоюды ұйымдастыру басқармасына жаңа басшы тағайындалды.
Бұл қызметке Марат Серікбайұлы Бәйімбетов бекітілді.
Марат Бәйімбетов бұған дейін осы басқарма бастығының орынбасары болып қызмет атқарған. Ол 1967 жылы Шиелі ауданында туған. Әл-Фараби атындағы Қазақ мемлекеттік университетін және «Болашақ» университетін бітірген. Әр жылдары облыс әкімдігінің бас маманы, ҚР Орталық сайлау комиссиясының Қызылорда облысындағы кеңесші-өкілі, Шиелі аудандық әкімдігінің кәсіпкерлік бөлімінің меңгерушісі, аудан әкімінің орынбасары болған. 2007 жылдан бері аталмыш басқарма бастығының орынбасары болып келген.
