Махсудхан Аблазимов Қызылорда облысы полиция департаментін басқарады

ҚЫЗЫЛОРДА. ҚазАқпарат - Президент Әкімшілігінің келісімімен және Ішкі істер министрі Марат Ахметжановтың бұйрығымен Қызылорда облысы ПД бастығы лауазымына полиция генерал-майоры Махсудхан Аблазимов тағайындалды, деп хабарлайды ҚазАқпарат.

Polisia.kz мәліметінше, ішкі істер органдарында болған кадрлық өзгерістерге байланысты бүгін Қызылорда облысының активі өтті.

ҚР ІІМ бірінші орынбасары Марат Қожаев облыс әкімі Нұрлыбек Нәлібаевпен бірге ПД-нің жаңадан тағайындалған бастығын жеке құрамға таныстырды.

Махсудхан Нұғманұлы 1962 жылы туған.

1990 жылы инженер мамандығы бойыша Қазақ политехникалық институтын бітірген, 2001 жылы – заңгер мамандығы бойынша Орта-Азия университетін тәмамдаған.

Ішкі істер органдарындағы қызмет жолын 1981 жылы бастаған.

Жауапты басшылық қызметтерде болған. 2016 жылдан бастап БҚО ПД бастығының қызметін абыроймен атқарған.