Маңғыстау облысы мен Германия екіжақты ынтымақтастықты дамытуда

АСТАНА. ҚазАқпарат - Маңғыстау облысының әкімі Алик Айдарбаев Германияның Алматы қаласындағы Бас консулы Ренате Шимкорайтты қабылдады.

Кездесу барысында тараптар Германия мен Маңғыстау облысының арасындағы қарым-қатынасты дамыту мәселелерін талқылады. Неміс делегациясының құрамындағы іскерлер тарапын неміс компанияларының аймақтағы экономиканы диверсификациялауға қатысу мүмкіндігі қызықтырды.

«Неміс кәсіпкерлері Маңғыстау облысымен ынтымақтастық жасауда тәжірибелері бар. Шетпе кентінде «Каспий Цемент» зауытының құрылысы, облыстық аурухана мен перинатальды орталыққа қазіргі заманғы медициналық жабдықтарды жеткізу осыған дәлел. Кәсіпкерлер енді Маңғыстаумен ынтымақтастықты бұдан да тереңірек дамыту мақсатымен келіп отыр», - деді Ренате Шимкорайт.