Мажарстандағы турнирде Серік Теміржанов өзбек боксшысынан басым түсті

АСТАНА. ҚазАқпарат - Мажарстанның Дебрецен қаласында өтіп жатқан бокстан халықаралық турнирде қазақстандық Серік Теміржанов финалға шықты, деп хабарлайды ҚазАқпарат тілшісі.
None

Халықаралық турнирде Серік Теміржанов (57 келі) жартылай финалда өзбекстандық Самандар Холмурадовпен қолғап түйістірген еді.

Жекпе-жек барысында Серіктің басымдығы байқалып тұрды. Шаршы алаң төрінде қазақстандық боксшы ширақ қимылдады. Нәтижесінде төрешілер шешімімен жеңіс Серік Теміржановқа берілді. Ол финалға жолдама алды.

Айта кетсек, бұдан бұрын Теміртас Жүсіпов (48 келі) пен Дулат Бекбауов (67 келі) финалға шыққан еді.

Ел құрамасынан жартылай финалда Дамир Әбдіқадыр (51 келі), Дамир Тойбай (92 келіден жоғары) қарсыластарына есе жіберді.

Сондай-ақ, ел құрамасынан Нұрбек Оралбай 80 (келі) 1/4 финалда украин боксшысы Александр Хижнякке жол беріп қойды.

Қазақстандық бапкерлер аталған турнирге ел құрамасы сапында 13 боксшыны алып барды.

Фото: sports.kz


Соңғы жаңалықтар