Мемлекет басшысы Теміртау тұрғындарын Тұңғыш Президент күнімен құттықтады

ТЕМІРТАУ. 1 желтоқсан. ҚазАқпарат - Мемлекет басшысы Нұрсұлтан Назарбаев бүгін Қарағанды облысына жасаған жұмыс сапарының барысында Теміртау тұрғындарын Тұңғыш Президент күнімен құттықтады.

«Қазақстанда Тұңғыш Президент күнін бірінші рет атап өтудеміз», - деді Н.Назарбаев Теміртаудағы металлургтер алаңында өткен митинг қатысушыларына. Президент Теміртауға келуді ұнататынын атап өтті. «Бұл менің сүйікті қалам», - деп атап өтті ҚР Президенті.

Н.Назарбаев бұған дейін Теміртау қалалық әкімдігінде болып, онда ашылған Тұңғыш Президент мұражай-кабинетімен танысып өтті. Кабинет 1970 жылдар стилімен құрылды. Мұнда сол дәуірдің құжаттары қойылды. Бұдан басқа, Мемлекет басшысы Тұңғыш Президенттің тарихи-мәдени орталығында болды.

Н.Назарбаев «АрселорМиттал Теміртау» АҚ-ның комбинатында болды, бұдан кейін оның жұмыс сапары Қарағандыда жалғасады.