Мемлекеттік бағдарламалар арқасында ауыл кәсіпкерлері де өз ісін табысты жүргізе алады - БҚО
«Бүгінде мемлекет кәсіпкерлікті дамытуға барлық жағдай жасап отыр. Ауыл тұрғындары да мемлекеттік бағдарламаларға белсенді қатысуы қажет», деді А.Көлгінов. Мұны жиынға қатысқан қауымдастық мүшелері де құптады. Мәселен, «Бизнестің жол картасы - 2020» бағдарламасы аясында жұмыс жасап тұрған кәсіпкерлік нысандарына көмек көрсетілуде. Аудан орталықтарында ауыл кәсіпкерлері бухгалтерлік есепті жүргізу, заңгерлік кеңестерді тегін алды. Аталмыш бағдарлама жүзеге аса бастағаннан бергі үш жылда өңірде 4500-ден астам кәсіпкерге қолдау көрсетілді. Енді осындай жұмыстар жалғасын табуы тиіс.
Жиында аудандарда тұрақты жұмыс жасайтын кәсіпкерлікті қолдау орталықтарын ашу, әкімшілік кедергілерді азайту, кәсіпкерлердің білім-білігін ұдайы көтеру мәселелері де көтерілді.