Минскіге Солтүстік Қазақстан облысынан делегация келеді

МИНСК. 21 қаңтар. ҚазАқпарат /Айтуар Мамлин/ - Әкім Серік Біләлов бастаған Солтүстік Қазақстан облысының делегациясы Беларус Республикасына сапармен келеді,

деп хабарлады Қазақстан елшілігінен. Сапардың мақсаты - Қазақстан мен Беларус елдерінің арасындағы сауда-экономикалық, ғылыми-техникалық және мәдени ынтымақтастықты дамыту.

24-26 қаңтар аралығына жоспарланған сапар барысында қазақстандық делегация Беларус Республикасының Ауыл шаруашылығы және азық-түлік министрлігінде келіссөз өткізеді, сондай-ақ Минск, Гродно, Брест облыстарының жетекші өнеркәсіптік кәсіпорындарын аралайды.