Н.Назарбаев Қазақстан Тәуелсіздігі күні құрметіне мерекелік концертті тамашалады және ресми қабылдауға қатысты
АСТАНА. 14 желтоқсан. ҚазАқпарат - Бүгін Мемлекет басшысы Нұрсұлтан Назарбаев «Астана Опера» жаңа мемлекеттік опера және балет театрында Қазақстан халқына Жолдауын арнады.
Бұдан бұрын хабарланғандай, еліміздің Тәуелсіздігіне арналған салтанатты жиында Қазақстан Президенті Нұрсұлтан Назарбаев «Қазақстан-2030» Стратегиясын іске асырудың негізгі қорытындыларын шығарды және Қазақстан халқына «Қазақстан-2050» Стратегиясы: қалыптасқан мемлекеттің жаңа саяси бағыты» Жолдауын арнады.
Мемлекет басшысы өз сөзінде басты мақсат 2050 жылға қарай қуатты мемлекеттің, дамыған экономиканың және жалпыға ортақ еңбектің негізінде берекелі қоғам құру болып саналатынын атап өтті.
ҚР Президентінің баспасөз қызметі хабарлағандай, салтанатты отырыс аяқталғаннан кейін Нұрсұлтан Назарбаев Қазақстан Тәуелсіздігі күні құрметіне арналған салтанатты концертті тамашалады және ресми қабылдауға қатысты.
