Н. Назарбаев пен В. Путин Қазақстан мен Ресей Федерациясының 2013-2015 жылдарға арналған бірлескен іс-қимыл Жоспарына қол қойды
АСТАНА. 20 желтоқсан. ҚазАқпарат- Мемлекет басшысы Нұрсұлтан Назарбаев Ресей Федерациясының Президенті Владимир Путинмен кездесті.
Кеше, 19 желтоқсанда Мәскеуде өткен кездесу барысында Қазақстан мен Ресей Президенттері екі жақты ынтымақтастықты дамыту барысын, сондай-ақ халықаралық күн тәртібіндегі өзекті мәселелерді талқылады. Бұл туралы ҚР Президентінің баспасөз қызметі хабарлады.
Келіссөздердің қорытындысы бойынша Нұрсұлтан Назарбаев пен Владимир Путин Қазақстан Республикасы мен Ресей Федерациясының 2013-2015 жылдарға арналған бірлескен іс-қимыл Жоспарына және Қазақстан Республикасы Үкіметі мен Ресей Федерациясы Үкіметі арасындағы апат кезінде жедел реттеу жүйесін құру және көлік саласындағы қосымша навигациялық-ақпараттық қызмет көрсетудің даму мүмкіндігі саласындағы ынтымақтастық туралы Меморандумға қол қойды.
