Назым Қызайбайдың есігінің алдына асфальт төселіп жатқаны рас па
АЛМАТЫ. KAZINFORM – Назым Қызайбайдың үйінің алдындағы бордюрлер ауыстырылып, асфальт төселіп жатыр деген ақпарат тарады. Алматы облысы әкімдігі оның шындыққа жанаспайтынын мәлімдеді.
Әлеуметтік желілерде бокстан ҚР еңбек сіңірген спорт шебері Назым Қызайбай тұратын Қарасай ауданы Іргелі ауылының көшелері жаңартылып жатыр деген бейнеролик тарады.
Осыған байланысты Алматы облысы әкімдігі түсінік берді.
«Ақпарат жалған және шындыққа жанаспайды. Тұрғындарды тек ресми ақпарат көздеріне сенуге шақырамыз»,- деп хабарлады әкімдіктен.
Еске салайық, 50 келі салмақта отандасымыз жартылай финалда қытайлық Ву Юмен қолғап түйістіріп, төрешілер шешімімен ұтылды.
Дегенмен Олимпиада ойындарының қола жүлдесін қанжығасына байлады.
Назымның бұл жүлдесі — ел қоржынына түскен үшінші қола медаль.
