Новоресейге 100 миллионыншы тонна теңіз мұнайы жөнелтілді
АТЫРАУ. Шілденің 10-ы. ҚазАқпарат /Андрей Соколов/ - Новоресейдегі «КТК-Ресей» ЖАҚ терминалына Атырау облысындағы «Теңізшевройл» ЖШС-да өндірілген 100 миллионыншы тонна қазақстандық мұнайы жөнелтілді,
деп хабарлайды ҚазАқпарат тілшісі.
Каспий мұнай құбыры 2001 жылы пайдалануға берілген болатын, сондан бері ол «Теңізшевройл» ЖШС-да өндірілген мұнайды Новоресей теңіз айлағының терминалдарына тасымалдайтын негізгі арна болды. Сол жерден түрік бұғаздары арқылы әлемдік нарыққа тасымалданады.
КМҚ-дан басқа ТШО өз мұнайының бір бөлігін теміржол, Атырау-Самара мұнай құбыры және танкерлермен Каспий теңізі арқылы Бакуге жөнелтеді.
