«Нұрлы жол» бағдарламасын жүзеге асыру нәтижесінде елімізде жаңа экономика мен инфрақұрылымдық қаңқа қалыптасады - Елбасы
«Нұрлы жол» индустриалды-инновациялық даму бағдарламасын жүзеге асырудың нәтижесінде біздің елімізде жаңа экономика және жаңа инфрақұрылымдық қаңқа қалыптасады. Біздің еліміз өз алдына зор мақсаттар жүктеп отыр. Олардың орындалатындығына мен сенімдімін. Біз тұрақты өсім және Қазақстанның дамыған елдер санатына көшуі үшін институционалды ортаны жақсарта түсетін барынша терең реформалардың қажет екендігін түсінеміз», - деп атап өтті Мемлекет басшысы. Елбасы өз сөзінде 5 институционалды реформаға тоқталып өтті. «Біріншісі, мемлекеттік басқаруды, барлық жүйені жетілдіру. Екіншісі, заң үстемдігін қамтамасыз ету, экономикалық өсімді ынталандыру, қазақстандық біртектілікті нығайту және соңғысы мемлекеттің халық алдындағы транспаренттілігін, есептілігін арттыру. Бұл реформаларды жүзеге асыру үшін баршаға арналған қазіргі заманғы мемлекет құрудың нақты 100 қадам жоспары қабылданып, жария етілді», - деді ҚР Президенті.