Нұрсұлтан Назарбаев астана жайлы: Бұл - осы қаланың кірпішін өз қолымен қалаған жандардың жеңісі
НҰР-СҰЛТАН. ҚазАқпарат - Қазақстанның Тұңғыш Президенті - Елбасы Нұрсұлтан Назарбаев өзінің ресми Instagram парақшасында жаңа астананың негізі қалай қаланғанын еске алды, деп хабарлайды ҚазАқпарат.
«Біз өз қолымызбен тұрғызған қалаға қарап масаттанамыз және сүйсінеміз. Бұл - біздің халқымыздың, қазақстандықтардың жеңісі, осы қаланың негізін салып, кірпішін өз қолымен қалаған жандардың жеңісі. Шынын айту керек, оған біздің де еңбегіміз сіңді. Осы жерден тоқтап қалмаймыз, әрі қарай еңбектене береміз», - деп жазды Нұрсұлтан Назарбаев өзінің Instagram аккаунтында.
Айта кетейік, 6 шілде күні Нұр-Сұлтанның астана болып жарияланғанына 23 жыл толады.
