Нұрсұлтан Назарбаев: Тәуелсіздік жылдары Қазақстан экономикасына 108 миллиард доллар инвестиция тартылды
Өз сөзінде еліміздің көптеген халықаралық рейтинг агенттіктері индексіндегі өз ұстанымын айтарлықтай нығайтқанын жеткізген Мемлекет басшысы: «Қазақстан Халықаралық даму менеджменті институты индексі бойынша 2008 жылғы көрсеткіштен 2009 жылы 3 позицияға көтерілді. Қазір Қазақстан ТМД-ның ірі елдерін айтарлықтай артқа тастап, 33-ші сатыда тұр», деді. Дағдарысқа қарамай өткен жылы жағымды өсімге қол жеткізген еліміз ағымдағы жылы 4 айда жалпы ішкі өнімді 7 пайызға ұлғайтты.
«Қазір біздің елімізде шетелдік капиталдың қатысуымен 20 мың кәсіпорын жұмыс істейді. Біз шетелдік инвесторларды республикадағы Индустриялық-инновациялық даму бағдарламасын іске асыруға, экономиканың өзге де салаларына атсалысуға шақырамыз. Қазақстан қазір жаңа кәсіпорындарға зор мүмкіндіктер жасауда», деді Елбасы Нұрсұлтан Назарбаев шетелдік инвестрларға қарата айтқан сөзінде.