Оралда 57 жастағы ер адам үш күннен бері іздестіріліп жатыр

ОРАЛ. ҚазАқпарат – Орал қаласында 57 жастағы ер адам үш күннен бері іздестіріліп жатыр, деп хабарлайды ҚазАқпарат тілшісі.
None
None

БҚО полиция департаментінің баспасөз қызметі мәлім еткендей, Болат Ғиметдинов 12 сәуір күні шамамен сағат 17.00-де Алаш көшесіндегі «Ақ жол» техникалық қызмет көрсету стансасынан шығып, белгісіз машинаға отырып кеткен. Содан үйіне оралмаған.

Ерекше белгілері: толық денелі, бойы 160-165 см, қысқа қиылған шашына ақ түскен, мұрнында жарақат орны бар.

Үстіне қара күрте, сұр трико, аяғына кроссовка киген.

Өзімен бірге сұр түсті Айфон 5с маркалы ұялы телефоны болған, нөмірі – 8-777-569-26-64.

«Осы ер адамды көргендер немесе қайда екенін білетіндер болса, 8(7112)92-18-04, 92-18-96, 8-702-790-44-50, 8-705-747-99-99 телефондарына қоңырау шалуына немесе [email protected] электронды поштасына жазуға болады», деп хабарлады ведомстводан.

Еске сала кетейік, бұдан бұрын Оралда жоғалып кеткен оқушылардың екі күннен кейін табылғанын жазған болатынбыз.


Соңғы жаңалықтар