«Оренбуржье» әуе компаниясы Ақтөбеге ұшуға дайындалып жатыр

МӘСКЕУ. 3 қазан. ҚазАқпарат - «Оренбуржье» аймақтық әуе компаниясы халықаралық ұшу сапарларына дайын.

Әуе кәсіпорны Орынбор-Ақтөбе-Орынбор бағыты бойынша техникалық рейс жасады.

Бұл «Орынбор халықаралық әуежайы» МУК тарихындағы алғашқы халықаралық рейс.

«РФ Көлік министрлігі Орынбор-Ақтөбе рейсінің орындалуын құптап отыр. ҚР Көлік және коммуникация министрлігімен осы бағыт бойынша келісім жүргізіліп жатыр. Барлық талаптарды орындағаннан кейін әуе компаниясы L-410 ұшақтары арқылы тұрақты рейстерге шығатын болады», - деп хабарлады Орынбор облысы үкіметінің баспасөз қызметінен.