ӨСА Бастамасын жүзеге асыруда 128 өндірістік компаниямен өзара түсіністік туралы меморандумға қол қойылды
АЛМАТЫ. Маусымның 1-і. ҚазАқпарат /Ерлік Ержанұлы/ - Биыл Өндіруші салалалардың ашықтығы (ӨСА) бастамасы саласындағы Өзара түсіністік туралы меморандумға қол қойылғанына 5 жыл толады. Бұл бүгін Алматыда өтіп жатқан ӨСА бастамасын жүзеге асырудың ІІІ Ұлттық конференциясында айтылды,
деп хабарлайды ҚазАқпарат.
"Меморандумға қол қойған компаниялар саны 2005 жылғы қазаның 24-інде 24 болатын. Қазіргі таңда олардың саны 128-ге дейін жетті. Олар мемлекеттік кірістің мұнай мен газда - 92 пайыз, ал тау-кен өндірісінде - 60 пайызды қамтиды", дейді ӨСА бастамасы хатшылығының өкілі Бауыржан Өмірзақов. ӨСА бастамасының 2005 жылғы алғашқы есебінде 47 мұнайгаз компаниясы ғана қамтылған еді. 2006 жылғы екінші есепте мұнайгаз ғана емес, тау-кен өндірісі саласындағы компаниялар да енгізілді. Енді өндірістік компаниялардың 2007, 2008 жылғы есептері жасалып отыр.
