Өзбекстандық футболшы Хусановтың Англияда қанша жалақы алатыны белгілі болды

ТАШКЕНТ. KAZINFORM - «Манчестер Сити» өзбекстандық орталық қорғаушысы Абдуқодир Хусановтың клубқа ауысқанын ресми түрде растады. Футболшы Англия клубымен 2029 жылдың маусымына дейін созылатын ұзақ мерзімді келісімге қол қойды, деп хабарлайды Kazinform агенттігі upl.uz сайтына сілтеме жасап. 

Келісімшартта Хусановтың келісімді тағы бір маусымға ұзарту мүмкіндігі қарастылған, ол 2030 жылға дейін клубта қалуға мүмкіндік береді.

Трансфер құны, әртүрлі дереккөздерге сәйкес, 40 миллион еуроға бағаланды. Осылайша, Хусанов «Манчестер Сити» сатып алған ең қымбат қорғаушылардың бірі болды. Футболшыға жақын дереккөз Нарзулла Сайдуллаев Хусановтың ағылшын клубындағы жылдық жалақысы шамамен 3,5 миллион еуро (аптасына шамамен 67 000 еуро) болатынын хабарлады.

Абдуқодир Хусановтың «Манчестер Ситиге» ауысуы - Өзбекстан футболы үшін тарихи маңызға ие. 24 жастағы қорғаушы Өзбекстанның Ағылшын Премьер-Лигасындағы (АПЛ) алғашқы өкілі болды.

Бұл трансфер - жас футболшының мансабын дамытудағы маңызды қадам және Өзбекстан футболының халықаралық аренада өсіп келе жатқан деңгейінің дәлелі.

Хусанов «Манчестер Ситидегі» дебютін алдағы «Челсиге» қарсы матчта жасайды деп күтіліп отыр. Жанкүйерлер оның әлемнің ең мықты чемпионаттардың біріндегі ойынын тағатсыздана күтуде. 

Талантты қорғаушының келуі клубтың қорғаныс шебін нығайтып, негізгі құрамдағы орын үшін бәсекені арттырары сөзсіз.

Еске сала кетейік, өзбекстандық футболшы Хусанов Манчестер-Ситиде ойнауы мүмкін екені жайлы жазған едік.