Өзім жеңілсем де, өзге әріптестеріме жеңіс тілеймін - Берік Әбдірахманов
РИО-ДЕ-ЖАНЕЙРО. ҚазАқпарат - Өзім жеңілсем де, өзге әріптестеріме жеңіс тілеймін. Бұл туралы боксшы Берік Әбдірахманов Риодағы ҚазАқпарат тілшісіне берген шағын сұхбатында мәлім етті.
"Өзім жеңілсем де, өзге әріптестеріме жеңіс тілеймін. Әлі қыздардан бөлек тоғыз боксшымыз рингке көтеріледі. Мен жетпеген биікті солар бағындырады деп сенем", - деп атап өтті Әбдірахманов.
Өзінің жекпе-жегіне байланысты тағы да бірқатар сұрақтар қойған едік. "Жарысты өздеріңіз көрдіңіздер! Жеңуге тырыстым. Бірақ, ойлағанымдай болмады. Қарсыласым Олимпиадаға өте мықты дайындықпен келіпті. Ұтылдым", - деп әңгімесін қысқа қайырды Берік Әбдірахманов.
Естеріңізге сала кетейік, кеше Олимпиаданың бірінші күні қазақстандық боксшы Берік Әбдірахманов алғашқы кездесуінде, АҚШ спортшысы Карлос Баль Дерастен ұтылып қалған болатын.
