Пәкістанның экс-премьер-министрі екінші рет Нобель сыйлығына ұсынылды

АСТАНА. KAZINFORM - Пәкістанның экс-премьер-министрі және оппозициялық «Әділет қозғалысы» партиясының негізін қалаушы Имран Хан бейбітшілік саласындағы Нобель сыйлығына ұсынылды. Бұл туралы Report.az хабарлады. 

Оны Пәкістандағы адам құқықтары мен демократиялық құндылықтарға қосқан үлесі үшін Pakistan World Alliance (PWA) құқық қорғау ұйымы ұсынған.

Имран Хан бұл мәртебелі сыйлыққа екінші рет ұсынылып отыр. 2019 жылы ол Пәкстанда Үндістанмен әскери шиеленісті бәсеңдетудегі күш-жігері үшін Нобель бейбітшілік сыйлығына ұсынылды және Пәкістан парламентінде оның кандидатурасын қолдау туралы қарар қабылданды.

Алайда Хан өзінің Нобель сыйлығына лайық емес екенін, оның пікірінше, сыйлық Кашмир мәселесін түпкілікті реттеуге қол жеткізген саясаткерге берілуі тиіс екенін айтты.

Еске салайық, Имран Хан 2018-2022 жылдары Пәкістан Министрлер кабинетін басқарған.

Пәкістан президенті Зардари Карачи ауруханасына жатқызылды.