Париж-2024: Жеңіл атлетикадан Олимпиадада ел намысын кімдер қорғайды

Париж-2024: Жеңіл атлетикадан Олимпиадада ел намысын кімдер қорғайды
Фото: Спорт министрлігі

АСТАНА. KAZINFORM - Халықаралық жеңіл атлетика федерациясы Париж Олимпиадасына қатысатын спортшылардың толық тізімін шығарды. 

Әлемдік рейтингінің қорытындысына сәйкес, биылғы жылдың басты додасында ел намысын 7 атлет қорғайды. Олар:

Жанна Мамажанова (марафон)

Нора Джеруто (3000 м кедергілермен)

Надежда Дубовицкая (биіктікке секіру)

Давид Ефремов (кедергілермен 110м)

Ольга Сафронова (200м)

Дэйзи Джепкемей (3000м кедергілермен, 10км)

Елизавета Матвеева (биіктікке секіру)

Айта кетейік, қазір Қазақстан құрамасы аталған сынға 80-нен астам жолдама иеленді. Ал, жалпы Франция астанасында алауы тұтанатын жарысқа әлемнің 200-ге жуық елінен 10 мыңнан астам спортшы қатысады. Дүбірлі додада спорттың 32 түрінен 329 медаль жиынтығы сарапқа салынады. 

Бұл – Париж Олимпиадасы Қазақстанның тәуелсіз ел ретінде қатысқалы отырған сегізінші жазғы Олимпиадасы болмақ. Сондай-ақ Еуропа құрлығында үшінші рет (Афина, Лондон, Париж) бақ сынайды.

Естеріңізге сала кетейік, биылғы жылдың басты додасы 26 шілде мен 11 тамыз аралығында өтеді. 

Соңғы жаңалықтар
telegram