Париж қаласында Ұлттық ғарыш агенттігінің төрағасы Т.Мұсабаев пен Ғарыштық зерттеулер жөніндегі француз ұлттық орталығының (CNES) президенті Я.Дэската арасында келіссөз өтті

АСТАНА. Ақпанның 27-сі. ҚазАқпарат - Париж қаласында Ұлттық ғарыш агенттігінің Төрағасы Талғат Мұсабаев Ғарыштық зерттеулер жөніндегі француз ұлттық орталығы CNES президенті Яник Дэскатамен кездесті,

деп хабарлайды ҚазАқпарат ҚР СІМ баспасөз қызметіне сілтеме жасап. Ақпанның 24-інде өткен келіссөз барысында ғарыш саласындағы екіжақты ынтымақтастық пен осы салада келісім-шарттарға қол қою мәселесі талқыланды.Т.Мұсабаев CNES басшылығын Қазақстанның ғарыш саласындағы жетістіктерімен және жоспарларымен таныстырды. Ол Франциямен әртүрлі саладағы қарым-қатынастардың ішінде ғарыш саласы басым екенін және оның қазақ-француз стратегиялық серіктестігіне сай келетінін атап өтті. Я.Деската Қазақстанның ғарыш саласындағы артықшылығына тоқталып, Ұлттық ғарыш агенттігімен ынтымақтастықты дамытуға ниетті екенін айтты. Сонымен қатар екіжақты байланыстарды күшейтуге дайын екенін мәлімдеп, келісім-шарттарды жүзеге асыратын арнайы жұмыс тобын құруды ұсынды.