Павлодар әкімінің гранттары мен алғыс хаттары - этномәдени бірлестіктердің белсенділері
ПАВЛОДАР. Тамыздың 28-і. ҚазАқпарат /Вера Ливинцова/ - Қазақстан Конституциясы күнінің қарсаңында Павлодардың әкімі Бақытжан Жоламанов қаладағы этномәдени бірлестіктердің жетекшілерімен, облыстағы Қазақстан халқы Ассамблеясының жас белсенділерімен кездесу өткізді.
Жиналған қауымды мерекелерімен құттықтаған қала басшысы «Конституция біздің басты құндылықтарымызды, тәуелсіздігімізді, демократия мақсаттары мен адам құқығына деген құрметті, еркін еңбек пен адамзаттың ар-ожданын нығайтты», - деп атап өтті.
Ұлтаралық және конфессия аралық келісімді, қоғамдағы тұрақтылықты, диаспоралардың мәдени дәстүрін сақтауды нығайтуға қосқан үлесі үшін қала әкімі этномәдени бірлестіктердің мүшелеріне гранттар мен алығс хаттарды табыс етті.
