Павлодарда орман қорғау мекемесінің қызметкері заңсыз ағаш кесумен айналысқан
ПАВЛОДАР. KAZINFORM - Ертіс өзенінің жайылмасындағы орманнан заңсыз ағаш кескен тұлғалар тобы ұсталды. Келтірілген шығын көлемі 1,3 миллион теңгеден асқан.
Ертіс өзенінің Аққулы ауданындағы жайылмасында прокуратураның үйлестіруімен заңсыз ағаш кесумен айналысқан адамдар ұсталды.
- Ұсталғандардың бірі Павлодар облысының орман және жануарлар дүниесін қорғау мекемесінің қызметкері болып шықты. Қылмыстық кодекстің 340-бабы, 3-бөлігі және 188-бабы, 2-бөлігі бойынша сотқа дейінгі тергеу аясында полиция қызметкерлері ұрланған ағаштар мен қылмыс құралдарын тәркіледі. Экологияға келтірілген шығын 1,3 миллион теңгеден астам сома болды, - деп хабарлады Бас прокураурадан.
Қазіргі уақытта сотқа дейінгі тергеу аяқталды, қылмыстық іс сотқа жіберілген.
Еске сала кетейік, «Ертіс орманында» 2029 жылға дейін ағаш кесуге тыйым салынды.
«Ертіс орманы» резерватында ағаш ұрлығы 97 пайызға азайған.
