Петропавлда қайырымдылық акциясында жарты миллионнан астам теңге жиналды
Аймақтағы белгілі фотографтар төрт сағаттың ішінде фототүсірілім марафонын өткізді. Петропавл кондитерлері қонақтарға арнап тәтті дәмдер, лимонадтар, сүтті коктейльдер, кофе және шай әзірледі. Барлық өнімдердің бағасы ашық түрде болды: акцияға қатысушылар орнатылған қораптарға қанша ақша салатындығын өздері шешті. Суретші Анна Герман кішкентай қонақтар үшін магниттерге қолтаңба жасаудан шеберлік сыныптарын өткізді. Қайырымдылық акциясына қатысқысы келгендер үшін Петропавл әкімдігі тегін автобус бағыттарын ұйымдастырды. «Қайырымды жаз» акциясына барлығы елу ұйым қолдау көрсетті. Төрт сағаттың ішінде 539 мың теңге жиналды. Жиналған қаражаттың барлығы «Hand4kids» қорының қамқорлығындағы мұқтаж балалардың қажеттілігін өтеуге жұмсалады. Өңірлік ОКҚ-інің мәліметінше, қор қарамағында 7 петропавлдық отбасы бар.