Петропавлда қоқыс таситын жүргізушілерге ең жоғары жалақы төленеді

Петропавлда көп жылдан бері қоқыс шығару мәселесі шешілмей келе жатыр. Жаңа жыл қарсаңында қала әкімдігі қоқыс шығаратын мердігерлерден бұл мәселені шешуді талап етті. Kazinform бұл туралы Petropavlovsk.news-ке сілтеме жасап хабарлайды.

Осыған орай қоқыс таситын көлік жүргізушілеріне, статистика департаментінің мәліметі бойынша орташа есептен асатын – 350 мың теңге жалақы ұсынылды. 

Әлеуметтік желідегі топтардың бірінде «Коммунсервиске» қоқыс шығаратын көлік жүргізушісі керектігі, оған 350 мың теңге жалақы ұсынылатыны туралы хабарландыру жарияланды.

2 апта бұрын қоқыс шығарумен айналысатын Мюльсервис компаниясы қоқыс таситын көлік жүргізушілеріне айына 300 мың теңге жалақы ұсынатынын хабарлады.