Пышақ ала жүгірген: Алматыда жол үстінде төбелескендер іздестіріліп жатыр
АЛМАТЫ. KAZINFORM — Алматыда көше ортасында төбелес болды.
Оқиғаның бейнежазбасы әлеуметтік желіде тарады.
Онда бірнеше адамның бір-біріне жұдырық жұмсағанын көруге болады. Кейін ер адамдардың бірі пышақ шығарып, оны екінші тарапқа ала жүгіреді.
Қалалық полиция департаменті аталған дерек бойынша Алатау аудандық полиция басқармасы қылмыстық іс қозғағанын хабарлады.
— Қақтығысқа қатысушылардың жеке басы анықталды, оларды ұстау шаралары қабылданып жатыр. Әрқайсысының әрекеттеріне жан-жақты тексеру жүргізіліп, тергеу нәтижелері бойынша Қазақстан Республикасының заңнамасына сәйкес құқықтық баға берілетін болады, — деп хабарлады департаменттен.
Еске салайық, бұған дейін Алматыда жол үстінде жалған тапаншамен жанжал шығарған азамат ұсталғанын жазғанбыз.
