Qazaq Air Астанадан Новосібірге әуе қатынасын жаңартады
Qazaq Air әуекомпаниясы 15 қаңтардан бастап Астанадан Новосібірге әуе қатынасын жаңартады, деп хабарлайды Kazinform.
Әуекомпания 2024 жылғы 15 қаңтардан бастап Астана-Новосібір маршруты бойынша әуе рейстерінің жаңартылғаны туралы мәлімдеді.
«Рейстер канадалық de-Havilland Dash 8-Q400 жаңа генерацияланған әуе кемесінде аптасына 2 рет дүйсенбі және жұма күндері келесі кесте бойынша орындалады (жергілікті уақыт бойынша): IQ 5005 Астана 20:40 - Новосібір 23:30; IQ 5006 Новосібір 00:30 - Астана 01:20», - деп хабарлады компанияның баспасөз қызметі.
Әуекомпанияның атап өтуінше, Қазақстан мен Ресей арасындағы әуе қатынасын жаңарту – екі ел арасындағы сауда-экономикалық, туристік және мәдени-іскерлік ынтымақтастықты одан әрі дамытуға ықпал ететін болады.
