Ресейдегі Қазақстан Елшісі БҰҰ ФАО басшысы қызметіне кандидатпен кездесті
МӘСКЕУ. 23 сәуір. ҚазАқпарат /Нарымбек Ысмағұлов/ - Өткен жұма күні Ресейдегі Қазақстан Республикасының Төтенше және Өкілетті елшісі Зауытбек Тұрысбеков БҰҰ Азық-түлік және ауылшаруашылығы ұйымының бас директоры қызметіне кандидат Жозе Гразиано да Сильвамен кездесті.
Кездесу барысында Орталық Азия аймағын дамытудың көкейкесті мәселелері талқыланды. Нақтырақ айтар болсақ, тараптар азық-түлік қауіпсіздігі, су ресурстарын үнемді пайдалану және су құрылымдарының қауіпсіздігін қамтамасыз ету мәселелерін талқыға салды.
