Ресейдің әскери авиациясы «Союзды» қондыру үшін Қазақстанға келді
АСТАНА. ҚазАқпарат - Ресейдің әскери авиациясы және төтенше жағдай қызметтері «Союз МС-06» ғарыш кемесін қондыру үшін Қазақстанға келді, деп хабарлайды «ҚазАқпарат» ХАА тілшісі.
Халықаралық экипаж 28 ақпан күні Жерге оралуы тиіс.
Экипаждың қонуын қамтамасыз етуге он екі МИ-8 тікұшағы, үш АН-26 ұшағы және екі АН-12 қатысады. Бұлардан тыс, жеке құрамның 200 қызметкері, 16 автотехника жұмылдырылған.
Ресейлік ғарышкер Александр Мисуркин, америкалық ғарышкерлер - Джозеф Акаба мен Марк Ванде Хай мінген капсула 28 ақпан күні жергілікті уақытпен 8:31-де Жезқазған қаласының маңына қонуы тиіс.
