Республиканың басым бөлігінде 28 мамыр күні найзағай жарқылдап, жаңбыр жауады, СҚО-да бұршақ жаууы мүмкін.
АСТАНА. 27 мамыр. ҚазАқпарат - Республиканың басым бөлігінде атмосфералық ағындар ықпалымен кей жерлерде найзағай жарқылдап, жаңбыр жауады, жел күшейеді. Республиканың оңтүстігінде және оңтүстік-шығысында жауын-шашынсыз ауа райы күтілуде. Бұл туралы Казгидрометке сілтеме жасап, ҚР ТЖМ баспасөз қызметі хабарлайды.
Ақмола, Павлодар, Шығыс Қазақстан, Оңтүстік Қазақстан облыстарында, түнде Маңғыстау облысында, таңертең және күндіз Қостанай облысында кей жерлерде 15-20 м/с жел соғады деп күтілуде.
Атырау облысында, күндіз Батыс Қазақстан облысында кей жерлерде 15-20 м/с жел соғады, шаң көтеріліп, дауыл тұрады.
Солтүстік Қазақстан облысында кей жерлерде 17-22 м/с жел соғады деп күтілуде, бұршақ жаууы мүмкін, түнде және таңертең кей жерлерде тұман түседі.
Республиканың батысында және оңтүстігінде төтенше жоғарғы өрт қаупі сақталады.
Республиканың оңтүстігінде, оңтүстік-шығысында және шығысында таулы өзендерде су көлемінің тұрақсыздануы байқалады. Қазақстанның жазықты аумағының өзендерінде гидрологиялық тәртіпте айтарлықтай өзгерістер болмайды.
