РФ Федерация Кеңесі Қазақстандағы алдағы Мәжіліс сайлауына үлкен делегация жібереді
АСТАНА. ҚазАқпарат - 10 наурызда Мәскеуде Қазақстан Республикасының Ресей Федерациясындағы Елшісі Марат Тәжиннің Ресей Федарациясы Федералдық жиналысы Федерация Кеңесінің төрайымы Валентина Матвиенкомен кездесуі болды, деп хабарлады ҚР СІМ баспасөз қызметі.
Тараптар екіжақты және көпжақты ынтымақтастықтың, ЕАЭО және ТМД халықаралық ұйымдары ауқымындағы өзара іс-қимылдың тақырыптарын қозғайтын кең ауқымды мәселелерді талқылады.
Осындай әңгімелердің бірі Қазақстан Республикасы Парламенті Мәжілісінің алдағы сайлауы тақырыбы болды, оған Федерация Кеңесі халықаралық ұйымдардың әртүрлі миссияларының құрамында үлкен делегация жіберетін болады.
Сондай-ақ Ресейде «Дін лаңкестікке қарсы» атты ірі ғылыми-практикалық конференция өткізу жөнінде өзара пікір алмасылды.
