Шахтадағы апат: Алты жұмысшының денесі табылды

ЖЕЗҚАЗҒАН. KAZINFORM –  Іздестіру-құтқару жұмыстары барысында құтқарушылар тобы «Қазақмыс корпорациясының» алты жұмыскерінің денесін тапты.

Олардың жеке басының ақпараты анықталып жатыр. Қазіргі уақытта оқиғаның барлық мән-жайларын анықтау үшін тергеу жүргізіліп жатыр. 

- Жетінші адамды іздеу жұмыстары жалғасып жатыр. Оқиға орнында Қазақстан ТЖМ күштері мен құралдары тобы жұмыс істеп жатыр, - делінген ТЖМ хабарламасында.

Естеріңізге сала кетейік, бүгін сағат 16:50-де Ұлытау облысындағы шахтада апат болып, 7 адам төтенше жағдайда қалған еді.

Оқиға орнына жедел жәрдем бригадалары жөнелтілді. Кабельдердің үзілуіне байланысты жұмысшылармен байланыс жоқ. Шахтада қалған жұмысшылардың тізімі белгілі болды.

Ұлытау облысында шахтаның опырылуына байланысты үкіметтік комиссия құрылған еді.