Шарын ұлттық паркінің аумағында фототұзаққа шибөрі түсіп қалды
АСТАНА. KAZINFORM – Шарын ұлттық паркінің аумағында орнатылған фототұзаққа шибөрі (Canis aureus) түсірілді.
Бұл жыртқыш – экожүйедегі табиғи тепе-теңдікті сақтауда маңызды рөл атқаратын түр.
Экожүйеде өлексені жоятын және ұсақ аң-құстар санын реттейтін биореттеуші рөл атқарады.
Шибөрі (Canis aureus) – орта көлемді жыртқыш. Көбіне топпен жүреді, өсімдікпен де, ұсақ жануарлармен де қоректенеді.
Өткенде Шарын ұлттық саябағында сирек кездесетін құстар видеоға түсіп қалған еді.
