Шілденің 20-ынан бастап Қазақстан-Қырғызстан шекарасы қалыпты жұмыс тәртібіне көшеді
АСТАНА. Шілденің 19-ы. ҚазАқпарат /Руслан Ғаббасов/ - Шілденің 20-ынан бастап Қазақстан-Қырғызстан шекарасы қалыпты жұмыс тәртібіне көшеді. Бұл туралы бүгін Астанада өткен дәстүрлі апталық брифингте ҚР Сыртқы істер министрлігінің ресми өкілі Асқар Әбдірахманов мәлім етті.
«Атап айтқанда, бұл тауарлардың номенклатурасы бойынша бұдан бұрын қойылған шектеуге тыйым салуға қатысты», - деді ресми өкіл. А. Әбдірахмановтың айтуынша, Қазақстан тарабы бұл мәселе тұрғысында дипломатиялық арналар арқылы Қырғызстан жағын ескертіп өткен.
