Шымкентте ер адам бесінші қабаттан құлап, көз жұмды
ШЫМКЕНТ. KAZINFORM – Шымкентте көпқабатты тұрғын үйлердің бірінде балконды қаптау жұмыстарын жүргізіп жүрген ер адам бесінші қабаттан құлап, қайтыс болды.
Алдын ала ақпаратқа сәйкес, жөндеу жұмыстары барысында ол абайсызда құлап кеткен. Ауыр жарақатының салдарынан ер адам оқиға орнында көз жұмды.
Полицияның мәліметінше, адам өліміне әкеп соққан еңбектi қорғау қағидаларын бұзу жайты бойынша қылмыстық іс қозғалды.
– Қазіргі таңда оқиғаның барлық мән-жайын анықтауға бағытталған кешенді тергеу әрекеттері жүргізіліп жатыр. Тергеу аяқталғаннан кейін іс бойынша заңнамаға сәйкес процессуалдық шешім қабылданады, - деп хабарлады қалалық Полиция департаменті.
Бұдан бұрын Шымкентте ер адам көпқабатты тұрғын үйдің 16-қабатынан құлап, көз жұмғанын жазған едік.
