ШҰҒЫЛ: Астанада құрылыс алаңында металл конструкциясы құлап, 7 адам зардап шекті
АСТАНА. ҚазАқпарат - Бүгін сағат 9:00-де Астана қаласы ТЖД-не «Көркем» ТК құрылысындағы металл конструкциясы құлап, құрылысшылар зардап шекті деген хабар келіп түсті, деп хабарлайды Астана қалалық ТЖД. Құтқарушылар келіп жеткен сәтте металл үйінділерінің астында 4 адам қалып қойғаны белгілі болған. Оларға ТЖД «Өрт сөндіру және авариялық-құтқару жұмыстары қызметі» ММ-ның қызметкердері шұғыл көмек көрсеткен.
Қазіргі таңда құрылысшылар мен Астана қаласы ТЖД Құтқару қызметінің жеке құрамының күшімен зардап шеккендердің барлығы үйінді астынан шығарылды. Ілініп тұрған металл конструкцияларды бекіту жұмыстары жүргізілді. Оқиға орнында 5 жедел жәрдем көлігі зардап шеккендерге көмек көрсетуде. Алдын ала мәліметтер бойынша оқиға салдарынан 7 адам зардап шекті.
