Шығыс Қазақстанда ауа райының қолайсыздығынан туындаған жағдай тұрақталды
ӨСКЕМЕН. ҚазАқпарат - Шығыс Қазақстанда 4 күрделі (3 облыстық және 1 республикалық маңызы бар) учаске қалып отыр. Атап айтсақ, «Омбы-Майқапшағай» (942-1103 шақырым), «Таулы Үлбі-Северное», «Күршім -Калжио-Маралиха», «Күршім-Калжир-Ашалы».
Аталмыш учаскелерде тәуліктік режімде жол тазалау жұмыстары жүріп жатыр. Қазір облыс бойынша жолда кептеліс жоқ.
ШҚО ТЖД құтқарушылары Көкпекті, Жарма аудандарының ауылдарына апаттық-құтқару қызметтерін жеткізіп, адамдарға жәрдем көрсетуде.
Шынжыр табанды көлікпен құтқарушылар балықшылар үйшігінен 7 балықшыны алып шықты. Күршім ауданында, Қарабұлақ ауылында өрт сөндіру және апаттық-құтқару жұмыстары қызметінің қызметкерлері науқас балаға дәрігерлерді жеткізді.
