Шығыс Қазақстанда дала өрті 320 гектар жерді шарпыды

АСТАНА. 3 қазан. ҚазАқпарат - Шығыс Қазақстан облысының Жарма ауданында дала өрті болды, деп хабарлады ҚР ТЖМ баспасөз қызметінен.

Жалын тілі 320 гектар аумақты шарпыды. Қаза болғандар мен зардап шеккендер жоқ. Тілсіз жауды ауыздықтауға ҚР ТЖМ Шығыс Қазақстан облысы ТЖД өрт сөндіру қызметінің 6 техникасы мен жеке құрамының 33 адамы, Бірлікші ауылдық округінен 50 адам мен 8 техника жұмылдырылды.