СҚО-да 1,7 мың литр контрафактілік спирттік өнім айналымнан алынды
![контрафактілік тауар алкоголь](/static/img/plug.webp)
ПЕТРОПАВЛ. KAZINFORM – Солтүстік Қазақстан обласында тас жолда полицейлер Мемлекеттік кірістер департаментімен бірге бір тоннадан астам контрафактілік алкогольді тәркіледі.
СҚО полиция департаменті баспасөз қызметінің мәліметінше, ұйымдасқан қылмысқа қарсы іс-қимыл басқармасына контрафактілік алкогольдің көп мөлшердегі заңсыз айналымы туралы ақпарат келіп түскен.
Полицейлер облыс бойынша мемлекеттік кірістер департаментінің қызметкерлерімен бірге Қызылжар ауданының аумағында, «Астана – Петропавл» автожолында жүк көлігін тоқтатты. «ГАЗель» автомашинасында Петропавлдың 49 жастағы тұрғыны болған.
![спирттік өнім алкоголь](https://img.inform.kz/kazinform-photobank/media/2024-05-20/2584bef5-324a-4384-a82f-15ea34aa4273.jpeg)
Көліктен 70 дана бес литрлік және көлемі 0,5 болатын 2680 бөтелке тәркіленді. Ыдыстардың ішінде спирті бар сұйықтық болған. Тәркіленген өнімнің жалпы көлемі 1 690 литр болды. Жүк иесінің ішімдікке құжаттары болмаған.
Аталған дерек бойынша материал процессуалдық шешім қабылдау үшін Петропавл қаласы бойынша мемлекеттік кірістер басқармасына берілді.
![ішімдік арақ](https://img.inform.kz/kazinform-photobank/media/2024-05-20/b6e78458-bf97-4373-a341-57f64ebfc773.jpeg)
«Сапасы тексерілмеген, лицензияланбаған алкоголь адам өмірі мен денсаулығына қауіп төндіруі мүмкін екенін еске саламыз», - дейді СҚО ПД ұйымдасқан қылмысқа қарсы іс-қимыл басқармасының өкілдері.
Бұған дейін Шымкент әкімінің экс-орынбасарына сот үкімі шыққанын айтқан едік.