СҚО-да Есіл өзенінің тасу қаупі сақталады

АСТАНА. ҚазАқпарат - Алдағы үш тәулікте Орал және Есіл өзендерінде, Сергеев су қоймасынан төменгі тұста көктемгі су тасқыны қаупі әлі де сақталады, деп хабарланған ҚР ТЖМ сайтында.

«СҚО аумағындағы Есіл өзенінде су деңгейінің көтерілуіне байланысты су басу қаупі сақталады», - делінген хабарламада.

Сондай-ақ республиканың оңтүстігі мен оңтүстік-шығысындағы таудан төмен орналасқан өзендерде жауын-шашынға байланысты су көлемі ұлғайып, жекелеген өзендерде су тасқыны болуы мүмкін.

Еліміздің шығыс өңіріндегі өзендерде де су деңгейінің ауытқуы байқалмақ.