Солтүстік Қазақстан облысында ауыл клубы отқа оранды - ҚР ТЖМ
АСТАНА. 27 желтоқсан. ҚазАқпарат - Солтүстік Қазақстан облысының Бостандық ауылында бейсенбі күні таңғы бестер шамасында ауыл клубының ғимараты отқа оранды,
деп хабарлады ҚР ТЖМ.
Тілсіз жау 13 сағаттан кейін ауыздықталды. Оны сөндіруге ҚР ТЖМ Солтүстік Қазақстан облысының ТЖД өрт сөндіру қызметінің 1 техникасы мен жеке құрамының 5 адамы, Ерікті өрт сөндіру құрылымының 3 техникасы мен 6 адамы жұмылдырылды. 360 шаршы метр жер отқа оранды. Қаза болғандар мен зардап шеккендер жоқ.
