Солтүстік Қазақстан облысында жекеменшік үйден өрт шықты
АСТАНА. 11 қазан. ҚазАқпарат - Солтүстік Қазақстан облысы Петропавл қаласында Алтынсарин көшесінің бойындағы жекеменшік үйден өрт шықты.
Тілсіз жауды сөндіруге ҚР ТЖМ Солтүстік Қазақстан облысы ТЖД өрт сөндіру қызметінің жеке құрамының 12 адамы мен 3 техникасы жұмылдырылды. Жалын шарпыған аумақ 60 шаршы метрді құрады. Оқиға орнынан бір адамның мәйіті табылды (кім екені әзірге белгісіз).
